Mailemotion e brezhoneg
Setu, deuet eo er-maez doare brezhonek Mailemotion, un etrefas web evit kas keleier dre video d'e vignoned. Gant Gael Roblin e oa bet graet war-dro an droidigezh a-raok an hañv ha tro am boa bet d'ober un adlenn d'e labour. Setu aze ur benveg nevez ha plijus ouzhpenn evit ober gant hor yezh. Seurt binvioù a c'hallfe bezañ implijet er skolajoù hag el liseoù a labour war ar c'hleweled hag ar video evit brudañ ar pezh a vez graet ganto. Un tamm dale zo gant ar gevredigezh vrezhonek dre vras evit ar pezh a sell ouzh implij ar video. Salv ma vo broudet an dud da grouiñ video en hor yezh a-drugarez d'al lec'hienn-mañ. Trugarez Gael.
Lec'hienn Mailemotion
digg it
del.icio.us
Fulup on. E kreiz Breizh emaon o chom. Evel ur bern Bretoned on dedennet gant ar yezhoù ha gant a bep seurt traoù a-benn ar fin. Unan eus an traoù a blij din ar muiañ eo gwelet ar brezhoneg o vleuñviñ war ar Genrouedad
Un dra vat eo ! Mui-oc'h-mui poelladoù a vez troet e brezhoneg : Evel Mozilla, Google pe re all...
Anavout a rez lec'hienn "an drouizig" ?
Gwilherm | 2008-02-12 - 01:25:04 GMT 1 #
ya, evel-just, anavezout a ran lec'hienn dalvoudus an Drouizig a ra ur pezh labour evit kas hor yezh war-raok war ar Genrouedad. Implijout a ran Firefox ha Thunderbird e brezhoneg zo bet troet gantañ.
Fulup | 2008-03-04 - 10:07:54 GMT 1 #